Un tributo a Mecano co nome Non Tes Nada Que Perder chegará o vindeiro 19 de abril ao Auditorio Municipal de Ribeira promovido pola Concellería de Cultura xunto coa promotora local A Curotiña.
A venda de entradas comezará o mércores 12 de marzo ás 9:00 h; presencial na OAC e en liña en Ataquilla.com cun prezo de 28,00 euros máis gastos de xestión. Non Tes Nada Que Perder (A homenaxe ao Mecano máis oitenteiro) é un tributo que non só celebra a música de Mecano, senón que tamén explora á profunda conexión emocional que ao banda estableceu cos seus seguidores ao longo dos anos.
A través do seu son innovador, Mecano logrou mesturar influencias do pop, o rock e música electrónica, creando unha proposta única que non só marcou unha época, senón que tamén transcendeu co paso do tempo e, polo tanto, segue vixente.
O tributo preséntase como unha viaxe musical, onde cada tema é interpretado cun respecto profundo pola a esencia das composicións orixinais, pero tamén cunha clara intención de renovalas e darlles unha nova vida sobre o escenario.
Dende os primeiros acordes de Hoy no me puedo levantar, o espectáculo logra captar a enerxía dinámica e vibrante da banda, que nos seus inicios sorprendeu pola súa frescura e capacidade para
conectar cunha audiencia nova, empapada de novos sons.
Neste concerto previsto para o 19 de abril en Ribeira a solista Beatriz Fernández porase na pel de Ana Torroja, Raúl Gamma na de Nacho Cano e Alejandro Ollero na de Jose Maria Cano.
