O Concello de Muros, a través do seu departamento de Cultura, organiza o programa O Mes de Rosalía, unha axenda que inclúe unha manchea de actividades para conmemorar en febreiro a figura e legado de Rosalía de Castro. Con música, contos e narración oral, esta programación está dirixida ao público infantil e familiar, co obxectivo de achegar a obra da escritora dunha maneira dinámica e participativa.
Programa de actividades
Venres 14 de febreiro | 18:00 h. Na Biblioteca Municipal de Muros. Cantamos con Rosalía con Luís Vallecillo.
Venres 21 de febreiro | 18:00 h. Biblioteca Municipal de Muros. Os contos da leiteir” con OQO Editora
Mércores 26 de febreiro | 17:30 h. Axencia de Lectura de Esteiro. Buscando a Rosalía con Raquel Queizas
A concelleira de Cultura, Caridad González, destacou a importancia desta iniciativa e animou a todas as familias a participar: “Queremos que a figura de Rosalía estea viva en Muros e que a súa obra siga emocionando e inspirando. Esta programación busca achegar a súa literatura desde distintos formatos, facendo que a súa voz resoe con forza tamén entre as novas xeracións. Convidamos ás familias e á cativada a vir e gozar destas actividades”.
