Chega unha etapa para Eris MacKenzie. O artista natural da Coruña levará a súa terra natal o primeiro dos seus concertos da xira Meu Ceu. A proposta que fusiona a música electrónica, os sons tradicionais galegos e certos matices da música comercial, chegará este venres 14 de febreiro á Pousada da Galiza Imaxinaria en Boiro (A Coruña).
Despois do seu éxito da súa presentación do seu primeiro traballo na Sala Mardi Gras da cidade da Coruña, onde conseguiu esgotar as entradas, Eris MacKenzie quere cumprir os seus obxectivos de “facer desfrutar aos seus fans”, avanza o propio artista coruñés.
Ademais do concerto na Pousada da Galiza Imaxinaria en Boiro, xa hai máis datas confirmadas que conformarán a xira:
• 14/02/2025 – Boiro (A Coruña), sala A Pousada da Galiza Imaxinaria ás 21:30 horas. As entradas xa están á venta en Wegow.
• 26/02/2025 – Santiago de Compostela (A Coruña), na Igrexa da Universidade ás 21:00 horas. A entrada é gratuíta.
• 13/03/2025 – Lugo, na Casa do Saber do Campus de Lugo ás 20:15 horas. A entrada será gratuíta ata completar o aforo.
• 15/03/2025 – Mos (Pontevedra), na Sala Rebullón ás 21:30 horas. As entradas poderán mercarse a través de Wegow.
A xira Eudaimonia, unha experiencia ultrasensorial
Eris MacKenzie marcouse o obxectivo nesta nova andaina da súa carreira artística de “ir más alá do concepto tradicional dun concerto”, logrando que o público experimente unha plena inmersión nas letras e nos sons.
Acompañado de dous grandes músicos e amigos, como son Paula Espada, Serxio Castro, David e Mare crearán unha atmosfera envolvente que combina son, imaxe e sensacións, para converter o seu espectáculo “nunha viaxe introspectiva e emocional”.
