A Asociación Ambar das Persoas con Diversidade Funcional, entidade inclusiva da comarca do Barbanza con sede principal en Ribeira, anunciou que vai organizar unha xornada a vindeira semana para presentar os detalles do seu proxecto Ría de Arousa Accesible. O evento terá lugar na Lonxa de Ribeira, o vindeiro mércores 19 ás 17:30h. A presentación tratará sobre accesibilidade universal e explicarase a que fai referencia e as condicións que deben presentar os entornos, procesos, bens, servizos, produtos, ferramentas e dispositivos para que poidan ser empregados polo maior número de persoas de maneira eficaz, cómoda, independente e segura.
