A comida de maiores de Ribeira será o 23 de marzo cun menú de Entroido e percebes de Aguiño

15 Febreiro 2025

O Concello de Ribeira programou para o domingo 23 de marzo, a partir das 14:00 horas, a tradicional comida dos maiores, que terá lugar no pavillón polideportivo da Fieiteira. Para a ocasión, o recinto contará con mesas para unha capacidade máxima de 900 persoas.

Festa de maiores en Ribeira 2024. O Barbanza

Un menú con sabor a Entroido e marisco de Aguiño

Aínda que o evento celebrarase semanas despois do Entroido, o menú estará inspirado nesta festividade. A gran novidade desta edición é a inclusión de *percebes de Aguiño, cunha ración mínima de *250 gramos por persoa, mesma cantidade que se servirá dos outros dous mariscos seleccionados: camaróns e lagostinos*.

O prato principal* será o tradicional lacón con grelos, patacas e chourizo, mentres que as sobremesas serán variados. En canto ás bebidas, ofreceranse *auga, refrescos, cervexas e viños (branco e tinto con denominación de orixe), ademais de licores, café e infusións.

Música, baile e entretemento ata as 21:00 horas

Para amenizar a xornada, haberá unha actuación musical e un baile que se prolongará ata as 21:00 horas. Ademais, instalaranse dous fotomatones para que os asistentes poidan levar un recordo do evento.

Orzamento e contratación do cátering

O Concello destinou 62.370 euros ao servizo de cátering, o que supón 69,3 euros por cuberto, cun incremento de 6.864 euros respecto ao ano anterior. Aínda non se confirmou o prezo que deberán pagar os asistentes, pero en 2024 foi de 16 euros por persoa.

As empresas interesadas na prestación do servizo teñen ata o 26 de febreiro para presentar as súas ofertas a través do Sistema de Licitación Electrónica da Xunta de Galicia (Silex)*.

O contrato abarcará do 21 ao 24 de marzo, e incluirá non só a preparación e o servizo da comida, senón tamén a montaxe do mobiliario, a colocación de moqueta e decoración do recinto, a limpeza dos aseos cada 45 minutos e a retirada do material antes das 15:00 horas do día 24.

Con este evento, Ribeira reafirma o seu compromiso cos seus maiores, ofrecéndolles unha xornada de convivencia, boa gastronomía e diversión.

Festa de maiores en Ribeira 2024. O Barbanza

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.