Un incendio declarado na noite deste domingo causou graves danos no Club de Remo da Pobra do Caramiñal, deixando destruídas as instalacións interiores e calcinadas varias embarcacións que se atopaban resgardadas no edificio.
O lume, cuxas causas están a ser investigadas, orixinouse no interior do club e propagouse rapidamente, afectando á estrutura e aos equipos utilizados polos deportistas. Os servizos de emerxencia acudiron de inmediato ao lugar e lograron sufocar as chamas, pero non puideron evitar que o lume causase importantes perdas materiais.
Entre os bens afectados atópanse varias embarcacións de competición, cuxo valor económico e deportivo resulta significativo para o club e a comunidade local. Este incidente supón un duro golpe para os deportistas que adestran nas instalacións, así como para a tradición do remo na localidade.
Os danos materiais son considerables. Dada a magnitude do sinistro. No que as chamas vivas saían con forza desde as xanelas superiores do edificio de multiusos náutico, avivadas polos materiais con que estaban fabrican as modernas embarcacións e equipamentos de que dispoñía ao interior.
Ata o lugar desprazáronse dotacións de bombeiros, protección civil e garda civil.
É cedo aínda para determinar as causas que puidesen dar orixe a este grave incendio que afectou ás instalacións como aos bateis, traiñeiras e maquinaria para adestramento do club de remo pobrense.
