A Confraría de Pescadores de Porto do Son, en colaboración co Concello, vai organizar na recta final de inverno un curso gratuíto de mariñeiro/a pescador/a. As sesións celebraranse entre o 10 e o 22 de marzo, en horario de 15:30h a 20:30h, no Edificio de Actividades Náuticas de Porto do Son (na fachada marítima).
O alumnado participante só terá que aboar 19,37€ como taxa do exame oficial da Xunta de Galicia. Dende a Confraría e o Concello destacan que todas as persoas participantes poderán facer despois o curso de Formación Básica en Seguridade Marítima, tamén con carácter gratuíto. As persoas interesadas deben formalizar a súa inscrición, no Concello ou na propia Confraría, antes do 18 de febreiro. Máis información na web municipal de Emprego de Porto do Son.
