PetSelect, empresa referente na fabricación de alimentos húmidos naturais para mascotas, foi recoñecida por AENOR co Certificado de Compras Sostíbeis. Este prestixioso recoñecemento evidencia a conformidade do seu sistema de xestión coas directrices da norma ISO 20400 de Compras Sostíbeis. A certificación outorgada por AENOR subliña o compromiso de PetSelect coa sustentabilidade, a transparencia e a integridade en toda a súa cadea de subministro. A través deste sistema de xestión, a empresa garante a selección de provedores responsábeis, a integración de criterios éticos e medioambientais, e o cumprimento dos máis altos estándares internacionais en materia de compras responsables.
Luís Ramón Martínez Marañón, director Xeneral de PetSelect, sinalou que “este certificado de AENOR é un reflexo do traballo constante do noso equipo para incorporar a sustentabilidade en cada proceso da nosa organización. En PetSelect estamos convencidos de que un futuro con responsabilidade empeza con decisións conscientes na nosa cadea de subministro, e este recoñecemento reforza a nosa visión e compromiso co planeta e as nosas mascotas.”
A norma ISO 20400 establece as directrices para un sistema de xestión de compras que priorice criterios respectuosos co medio ambiente, sociais e éticos, fomentando boas prácticas entre os provedores e xerando un impacto positivo na sociedade e na natureza. Este logro coloca a PetSelect como un referente na industria e reforza a súa posición como un socio de confianza e comprometido.
PetSelect é unha empresa galega pertencente ao grupo boirense JEALSA e especializada na fabricación de alimentos húmidos naturais para cans e gatos. Cun forte compromiso cara á sustentabilidade e a innovación, PetSelect traballa con ingredientes naturais e envases responsábeis.
