Este martes 10 de decembro, a Catedral de Santiago súmase á iniciativa promovida desde o colectivo de campaneros de Arrone (Italia) en apoio dos Dereitos Humanos, polo que, ás 17:30 h, fará soar de maneira manual as súas campás. O toque será realizado por membros da Asociación Cultural Campaneiros de Galicia. Esta iniciativa, que se remonta ao ano 2010, aglutina cada ano a igrexas e catedrais de toda Europa, especialmente Italia e España. Este ano quérese lembrar de maneira especial ás poboacións de Ucraína e Oriente Medio, fortemente golpeadas por conflitos bélicos.
