A Policía Local de Rianxo e o Concello, coincidindo novamente con estas festas de Nadal, unha tempada na que aumentan os casos de persoas ao volante tras ter sumido alcol ou outras sustancias, volveu lanzar a súa campaña Ti Decides, a través da cal faise un chamamento ao sentidiño á hora de collermos o noso vehículo propio logo das, por outra banda, habituais celebracións desta época do ano.
A edición 2024 da campaña pon o foco na importancia de reivindicar o servizo de taxis, que no caso de Rianxo conta novas licenzas e cun completo e mellorado servizo que se ofrece como a mellor alternativa posíbel para os desprazamentos locais que coincidan coas celebracións. “Queremos animar á veciñanza a que utilice este servizo para desprazarse despois de ter consumido bebidas alcohólicas, e evitar deste xeito outras posíbeis consecuencias no caso de conducir nestas condicións”, sinalan dende o Concello e a Policía a propósito desta nova edición da campaña.
Nela, como facianas visíbeis, participan un axente da Policía Local, o alcalde e o tenente de alcalde e máis os 6 taxistas que hai actualmente no termo municipal.
A iniciativa tenta evitar que haxa condutores nas estradas, e que no caso de que teñan que coller os seus vehículos, recorden que existen alternativas seguras.
