O Concello de Outes confirmou finalmente que a XXVI edición do Encontro dos Maiores vaise celebrar o vindeiro sábado 30 de novembro ás 14:00 horas no Pavillón Municipal da Serra de Outes. Na información subministrada polo Concello engádese que só poderán asistir as persoas que xa fixeran previamente a inscrición e que aquelas persoas que non poidan asistir deberán comunicalo no Centro Social ou a través do teléfono 981 850 575 (de luns a venres de 09:00 a 13:30 horas). Lembrar que o Encontro dos Maiores estaba previsto en inicio para o día 26 de outubro pero, para velar pola saúde da poboación, tivo que ser aprazado polo episodio de contaminación da auga para consumo no termo municipal, que, como recordaremos, provocou varios casos de gastroenterite na veciñanza por contaminación microbiolóxica.
