O Partido Popular de Ribeira, a través do concelleiro Eladio Muñiz Muñiz, vai presentar ao pleno da Corporación un rogo relativo á situación na que se atopa a travesía de Padín, que, segundo veñen de lembrar os veciños, ten serios problemas de iluminación e, polo tanto, de seguridade.
Os populares informan que “logo dun encontro con residentes, no que se nos expuxeron certas preocupacións e iniciativas para poder mellorar a convivencia e a calidade no entorno, púxose de manifesto que a gran problemática que teñen é que nesa zona existe algún punto de venta de droga e, en numerosas ocasións, esa travesía serve de lugar de intercambio e de consumo de estupefacientes causando un agravio e un malestar na vida cotiá para a veciñanza que reside alí”.
A agrupación recorda que “a zona obsérvase escura, con falta de iluminación, o cal aínda facilita que o espazo sexa utilizado coma agocho para levar a cabo estas prácticas ante a incomodidade de nenos e maiores”.
O PP reclamará no pleno “a dotación de reforzo de iluminación na dita rúa, así como o incremento de presenza policial nos arredores que poidan achegar maior seguridade ao vecindario”.
