Ocorreu en Santo Tomé, na praia que se atopa a carón do paseo marítimo, e foi un particular quen informou ao 112 Galicia de que vía o corpo dunha persoa flotando a poucos metros da area. Desde o primeiro aviso, ás 16:30 horas, o alertador apuntou a posibilidade de que a implicada estivese falecida.
Con esta información, desde o 112 Galicia solicitouse a acción de Urxencias Sanitarias de Galicia-061, da Garda Civil e da Policía Local e do Servizo Municipal de Protección Civil de Cambados.
Os servizos de emerxencias rescataron rapidamente á persoa, para a continuación practicarlle manobras de reanimación. Malia os esforzos, só se puido confirmar o seu falecemento.
