Co gallo de festexar a Santa Cecilia, patroa dos músicos, a Banda Municipal de Música de Lousame ofrecerá un concerto mañá venres 29 de novembro. A actuación terá lugar ás 21 horas no auditorio da Casa da Cultura de Lousame. Dicir que a entrada é libre e de balde até completar o aforo.
Os integrantes da banda interpretarán diversas pezas musicais: desde a Obertura Alvamar, de James Barnes, pasando por unha ruada de José Oro Val, até temas máis actuais como algún da banda británica Coldplay ou o tema central da banda sonora do filme Como adestrar ao teu dragón.
Engadir que este evento está organizado pola Asociación Cultural Prudencio Romo e conta coa colaboración do Concello de Lousame.
