O Obradoiro de Emprego Tahume IX, impulsado polos Concellos de Ribeira e Porto do Son, xa está na súa recta final (mentres colle corpo definitivo a edición Tahume X) e dende os ditos Concellos informan da aprobación das axudas dos incentivos á contratación para que as empresas do sector forestal e xardinería que precisen persoal poidan acollerse as mesmas e contratar ao alumnado do Obradoiro de Emprego coas competencias profesionais adquiridas.
O BOP recolle en formato PDF os acordos do Concello de Ribeira para a convocatoria destas axudas por un valor 30.000 euros, que se destinarán a subvencionar a un máximo de 20 contratos con un importe de 1.500 euros por traballador.
A presentación dos incentivos a contratación contou coa presenza polo Concello de Ribeira de Veva Betanzos como concelleira delegada de Promoción Económica, Emprego e Industria, e por parte de Porto do Son coa presenza de Magdalena Pérez Millares, concelleira de Persoal e Xestión Administrativa.
