A compañía Etiqueta Negra e os actores David Amor e Josito Porto van representar en Boiro, este venres 13 de setembro, o espectáculo para público adulto Go Home, ás 21.00 horas na Casa da Cultura de Boiro.
As entradas estarán dispoñíbeis na billeteira dende unha hora antes da función, segundo informou a Concellaría de Cultura de Boiro.
Go Home é unha peza teatral escrita por José Prieto e con dirección de Tito Asorey.
Go Home é unha comedia negra e, tamén, unha peza comprometida coa realidade que conta a historia de David, un fanático das viaxes que xa fixo todas as andanzas que as axencias de turismo lle podían ofertar… Todas, agás unha en concreto. Comeza así o secuestro do protagonista, a quen se lle abrirá todo un mundo de emocións ante a dúbida de se o que está a vivir é real.
