Os bombeiros do parque provincial de Boiro foron alertados dun accidente de tráfico acontecido na VG-1.5, á altura do punto quilométrico 21,500, no termo municipal do concello de Lousame. No accidente houbo cinco turismos implicados e tres persoas resultaron feridas.
En total tres persoas foron evacuadas logo producirse un accidente con cinco vehículos implicados, ao seu paso por Lousame.
Sucedeu dez minutos antes das 20:00 horas deste domingo. Un particular, que se atopaba no punto do accidente, foi quen chamou ao 112 Galicia para informar do suceso. Indicaba que unha muller podería necesitar asistencia sanitaria.
O accidente tivo lugar na CG-1.5, quilómetro 21.5, dirección Santiago, á altura de Toxos Outos (San Xusto).
Nada mais recibir o aviso, desde o 112 Galicia puxo os feitos en coñecemento do Servizo de Urxencias Sanitarias de Galicia-061, da Garda Civil de Tráfico, dos Bombeiros de Boiro, do GES de Noia e dos efectivos da Agrupación de Voluntarios de Protección Civil da localidade.
Unha vez no punto, os membros do GES confirmaron ao 112 Galicia que, finalmente, aínda que o seu estado non parecía revestir gravidade, foron trasladadas tres persoas ao centro hospitalario de referencia.
