Na mañá deste 19 de setembro o presidente da patronal boirense (ABE), Daniel García fixo entrega ao seu homólogo na agrupación local de Cruz Vermella en Boiro, Julio García dunha doazón de 100€ correspondente á venda das camisetas solidarias Somos Boiro.
A iniciativa promovida pola ABE celebrouse na pasada edición de Fora Stocks Boiro na que se puxo á venda unha edición limitada de 50 camisetas e das que se destinou 2€ de cada unha delas a fins solidarios.
Nesta ocasión a entidade destinataria da doazón foi Cruz Vermella Boiro coa que a ABE ten un acordo de colaboración e como indicou o seu presidente “estes fondos destinaranse a completar as accións que estamos desenvolvendo de cara a volta ao cole das familiar mais necesitadas da localidade”
Pola súa parte o presidente da patronal de Boiro quixo destacar que “esta foi unha iniciativa piloto que ante o éxito acadado repetiremos no futuro destinando as doazóns a diferentes entidades sociais do municipio”.
