O luns 22 de xullo comezan as obras da cuberta téxtil do parque infantil das Abesadas

18 Xullo 2024

O Concello de Ribeira anunciou que as obras para instalar unha cuberta téxtil protectora no parque infantil das Abesadas iniciaranse este luns 22 de xullo. O primeiro paso dos traballos será establecer un valado perimetral para garantir a seguranza da veciñanza e prevese que a instalación de lecer poida reabrirse a finais de agosto. O Concello explicou que o comezo desta actuación demorouse para evitar que coincidira coa tempada de actividade escolar.

Esta actuación na que se instalará unha cuberta téxtil ten unha consignación de 97.066,67 euros e forma parte do Plan Provincial de Obras e Servizos POS+ 2023. A empresa adxudicataria foi Nature Infraestructuras e Servizos, S.L. A cuberta será de lona de poliéster cunha estrutura de soporte metálica protexida contra a oxidación. Tamén se procederá á instalación de luminarias LED.

Segundo lembra o Concello, a zona infantil situada no parque das Abesadas é unha das máis concorridas do municipio ao atoparse no centro urbano e esta nova actuación realízase para que poida “empregarse con independencia das inclemencias meteorolóxicas”.

Dende o Goberno local incídese en que estes traballos permitirán avanzar no compromiso de mellorar os espazos públicos e áreas infantís.

O alcalde, Luís Pérez Barral, afirmou que o Plan de Mellora de Parques Infantís ten unha dotación que ascende a 672.000€ grazas aos que, alén das Abesadas, actuouse en Bandourrío e Artes e tamén se actuará en Palmeira e Carreira. Pérez Barral incidiu que seguirán traballando en mellorar os espazos públicos de maneira progresiva e sobre todo aqueles que se atopan máis degradados.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.