O alumnado do Obradoiro de Emprego Tahume IX, impulsado polos Concellos de Porto do Son e Ribeira para fomentar a ocupación laboral da veciñanza destes dous territorios e da comarca, traballou estes días arreo para acondicionar diversas infraestruturas e inmóbeis. Entre os labores desenvolvidos figura o acondicionamento da contorna verde da Casa da Cultura de Queiruga, onde o alumnado de Tahume levou a cabo unha limpeza integral dos espazos de lecer.
Semellante traballo de posta a punto e acondicionamento foi levado a cabo polas persoas participantes no Obradoiro de Emprego na Casa da Cultura de Caamaño.
A maiores, este mes de xullo o alumnado de Tahume IX realizou un importante traballo de posta a punto no camiño da Ponte Medieval á zona da Coviña, na parroquia de Xuño.
