Lorena do Merlo rende homenaxe á xente do mar de Portosín cunha mostra fotográfica e un documental

09 Xullo 2024

A edición 2024 do evento de exaltación mariñeira Azul de Portosín, celebrada a semana pasada da man da Confraría de Pescadores San Andrés de Portosín, incluíu entre outras moitas actividades a inauguración dunha mostra de fotografías de Lorena do Merlo, artista de Boqueixón afincada en Aguieira que reflicte a actividade da xente do mar de Portosín, a exposición aMar, que se acompañou dun documental complementario.

Esta mostra, que se pode ver na Casa da Cultura local, recolle a vida dos homes e mulleres de Portosín, e é unha homenaxe ao seu esforzo e á súa adicación, e tamén á súa humanidade, fraternidade e sentido do humor.

O GALP Costa Sostible participou nesta actividade coa súa axuda a este proxecto da Confraría de Pescadores San Andrés de Portosín.

A inauguración da mostra fotográfica e a proxección do documental celebráronse o pasado venres 5 de xullo no marco da iniciativa Azul de Portosín.

Este proxecto, financiado cunha achega autonómica a través dos Grupos de Acción Local do sector Pesqueiro (GALP), ten como obxectivo “visibilizar o traballo dos profesionais do mar e a identidade mariñeira da vila ao redor da pesca do cerco así como difundir a dita marca Azul de Portosín”. Na cita participaron a directora xeral de Desenvolvemento Pesqueiro, Marta Villaverde, e o alcalde Luis Oujo, entre outras personalidades.

A mostra consta de 38 imaxes, tanto en branco e negro como en cor, realizadas cunha cámara Canon Mark IV e unha Canon R6, que recollen con diferentes ópticas o mundo da pesca e o lado humano que hai detrás dos profesionais que protagonizan a actividade pesqueira do municipio. Ademais, conta coa proxección dun documental que aborda os naufraxios dos cerqueiros Divina del Mar e Sempre Güeto acontecido no ano 2021.

Outros artigos

Xoves con nubes altas que non impiden o paso do sol

Xoves con algunhas nubes na costa, afectando principalmente á provincia da Coruña, mentres que no resto do país os ceos continuarán estando pouco nubrados ou despexados. Bancos de néboa matinais en zonas de interior e brétemas costeiras no litoral atlántico. As...

+

Aguiño será sede da ACT o vindeiro sábado día 20 de xullo

Hoxe déronse cita na escultura dos percebes de Aguiño, os alcaldes de Ribeira, Boiro, A Pobra do Caramiñal, a xerencia da Mancomunidade Barbanza Arousa, o patrón maior de Aguiño, edís do concello de Ribeira e a xunta directiva da ACT para presentar a proba de remo...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...