Esta sublime descrición, como moi ben poderá adiviñar o lector, non é da miña autoría, por máis que asuma o total do titular deste artigo. Correspóndelle a mesma a un dos máis celebrados escritores mundiais e, sen dúbida algunha, ao máis lido da língua castelá: don Miguel de Cervantes Saavedra que, na súa obra máis sobranceira,”El ingenioso hidalgo don Quijote de La Mancha”, suliñaba: “… las mujeres son las más perfectas de las creaciones divinas. Que aunque son más hermosas que las flores, las estrellas y la luna juntas, son fuertes como el acero de mi lanza.
Por eso, Sancho, es momento entre los caballeros, que debemos estar prestos a sus privaciones, amarlas, cuidarlas como a la niña de nuestros ojos, porque nuestro mundo, no cabe la menor duda, estaría completa e irremediablemente perdido, pues ellas, Sancho, son la fuerza de la vida y el motor que impulsa nuestra existencia”.
A revisión deste texto permíteme, co seu permiso, traer a colación o que un día de vai máis de trinta anos dicía, nunha conversa que sostiñamos un tristemente desaparecido administrador da Asociación da Prensa da Coruña, empedernido lector de Cervantes, e quen isto relata: que “o Quijote é o libro máis actual ata o día de hoxe escrito. Calquer acontecemento, calquera circunstancia que se produza no mundo, terá nel o seu reflexo. Sempre haberá na obra de don Miguel algo que nos induza a reflexionar sobre o pensamento cervantino”.
Canta razón e canto podemos aprender de Cervantes pola intermediación de don Quijote.
O pasado venres, 12 de xullo, a primeiras horas da mañá, foi detido en Buñol (Valencia), un home acusado de ser o presunto autor da morte da súa parella, unha muller de 32 anos.
Foi precísamente a exmuller do presunto homicida a que avisou de que o seu exmarido lle confesara que matara á súa actual parella. Algúns medios de comunicación informaron onte que o acusado fuxiu nun coche que colidiu contra un vehículo da Garda Civil, ferindo a dous axentes.
Coa de onte, en Valencia, xa son 21 as mulleres asasinadas polas súas parellas ou exparellas no que vai de ano en España.
Algunhas formacións políticas españolas tentan manter que esta é unha “violencia intrafamiliar. Non de xénero”.
Máis nada que engadir, Señoría.
