A celebración da regata da Euskolabel Liga de traíñas, LIGA ACT, o próximo día 20 de xullo en Aguiño de 17:00 a 20:00 horas, ofrécese como escaparate para os produtos do territorio.
Con motivo desta regata, que atrae numerosos visitantes, desde a Mancomunidade quérese dar a posibilidade ás empresas distinguidas no SICTED e ás entidades produtoras/comercializadoras a que instalen un posto informativo ou de venda dos
seus produtos ou servizos no recinto.
Para poder facelo hai que cumprir un dos seguintes requisitos:
- As empresas distinguidas co selo SICTED poden realizar exhibicións, mostras ou venda dos seus produtos ou servizos.
- Os produtores, adegas, confrarías, etc poden realizar degustacións, catas ou venda de produtos culinarios típicos do territorio.
Para solicitalo, as entidades deben cubrir unha declaración responsable que facilita a Mancomunidade e remitila a través da sede electrónica antes do día 9 de xullo.
Enlace á sede:
https://sede.arousa-norte.es/sxc/es/index.html. A montaxe dos stands será ás 12:30 horas e a localización é a que se expón no seguinte plano en cor azul co nome ZONA LÚDICA.
