A Deputación da Coruña apoia con 5.000€ o Festival Noites de Jazz de Rianxo, que se vai desenvolver este ano do 30 de xullo ao 02 de agosto no Campo de Arriba.
O Festival Noites de Jazz de Rianxo, como tal, naceu no ano 2017 co ánimo de recoller o labor realizado ao longo de máis dunha década de propostas illadas, ciclos de concertos e mesmo actividades formativas arredor deste xénero musical que foron medrando e asentándose nas programacións anuais do noso Concello. Hoxe é xa unha referencia dos eventos jazzisticos no país.
O programa do festival comezou xa este 2 de xullo cunha jam sessión en formato aberto a cargo do Combo de Jazz do alumnado da Escola de Música de Rianxo. Contouse coa presenza do mestre Bernal Muíños, músico e profesor rianxeiro amais de integrante do cuarteto TbA. O concerto celebrouse no Café A Lareira.
