Ribeira clausura a súa XXIV Mostra de Teatro Infantil

09 Xuño 2024

Estes sábado 8 de xuño o Auditorio Municipal de Ribeira acolleu a nova estrea do Grupo de Teatro Municipal de Ribeira, e a continuación o acto de Clausura da XXIV Mostra de Teatro Infantíl de Ribeira (Mostra Daniel Gómez Ramil) con entrega de agasallos aos grupos participantes. O acto contou ca presenza da concelleira de Cultura, Antía Alberte e foi presentado por Unai González, técnico de Cultura do Concello de Ribeira, quen publicou unha completa reportaxe fotográfica sobre o evento nas redes sociais (imaxes de Lisardo Villar).

Unha decena de funcións

O pasado 31 de maio inaugurouse a XXIV Mostra de Teatro Infantil de Ribeira “Daniel Gómez Ramil”, que incluíu unha decena de espectáculos a celebrar no Auditorio Municipal. Como novidade contou por primeira vez con agrupacións teatrais infantís dos catro concellos de Barbanza-Arousa (Ribeira, Boiro, A Pobra e Rianxo) así como da contorna cun total de 10 formacións.

A iniciativa dirixiuse a pór en valor a creación teatral feita polos máis pequenos; e serviu tamén para estrear a obra de teatro que prepararon os 20 cativos e cativas do grupo municipal.

O pano de fondo levantouno o Grupo de Teatro do CEIP de Artes, que estreou A escola misteriosa, o pasado 31 de maio.

O sábado 1 de xuño foi a quenda do Grupo Teatrinclis da Escola Airiños (Rianxo), que escenificou Ali, Sía e os pais das marabillas.

Logo actuaron Patakamakabra da asociación Airiños de Rianxo (con Na Rúa 24), o Grupo de Teatro ANPA do Colexio Bandaseca da Pobra (con Aladdin), o Grupo de Teatro da ANPA Cadreche da Pobra (con O mago de Oz), o Grupo Mimarte Kids do Centro Cultural e Deportivo de Boiro (con Encantadas 2), e o Grupo de Teatro Vacalouras de Rois (este xoves, con Mórdeme).

O venres 7 de xuño foi a quenda do Grupo Alondra de Palmeira (con Pic Nic) e o sábado 8 do Grupo Infantil Municipal de Ribeira (con Un estraño estraño día).

Estes días pasaron polo escenario do Auditorio Municipal de Ribeira máis de 170 artistas.

Outros artigos

Luns continúa a choiva e as temperaturas sen cambios

O luns unha fronte fría, asociada a esa borrasca, afectará a Galicia, especialmente na segunda metade do día. Así comezaremos a xornada cos ceos moi nubrados, con chuvias no litoral atlántico, localmente fortes. As temperaturas mínimas terán un lixeiro ascenso,...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...