O selo rianxeiro Axóuxere presenta no CGAC, este martes, “Máis alalá” de Xelís de toro e Alejandro Vargas

16 Xuño 2024

A editorial rianxeira Axóuxere vai presentar o libro Máis alalá, de Xelís de Toro e Alejandro Vargas, este martes 18 de xuño na libraría do Centro Galego de Arte Contemporánea (CGAC) de Santiago, ás 19.00 horas. O acto, que inclúe unha actividade perfomativa dos dous autores do volume, será organizado por Axóuxere e Rose Hill Records.

Máis alálá é unha experimentación poética sonora sobre o poemario De catro a catro do poeta rianxeiro Manoel Antonio (1900-1930). A caixa contén dezanove postais con códigos QR que remiten a dezanove pezas poético-sonoras creadas e gravadas por Xelís de Toro e Alejandro Vargas. As imaxes das postais inclúen fotos de Manuel Vilariño e imaxes caligráficas de Xelís de Toro e Alejandro Vargas.

Ficha do libro (Axóuxere)

A idea de vangarda en Galiza está inevitabelmente ligada á figura de Manoel Antonio, cuxo suco poético serviu de asento a grande parte da poesía galega contemporánea. Non obstante, a multiplicidade de posibilidades de (re)lectura da súa obra tense habitualmente reducido ás olladas máis académicas. Xelís de Toro, quen percorreu sempre camiños pouco transitados na nosa literatura (ben desde a letra impresa, ben desde o corpo e a palabra en acción) preséntanos, xunto ao músico cubano Alejandro Vargas (tamén abeirado aos vieiros da experimentación), un obxecto artístico-literario, un traxecto de exploración poética, sonora e viual pouco común a partir dos poemas que o autor rianxeiro nos deixou en De catro a catro. Un xogo a través, tamén, de fotografías de Manuel Vilariño e caligramas que os propios autores ligan a cadansúa peza poético-sonora.

Outros artigos

Domingo, San Cristovo, día pasado por choiva e baixa temperatura

Durante a xornada do domingo, día de San Cristovo, quedaremos na influencia dun centro de baixas presións, con ventos húmidos do suroeste. Con esta situación, os ceos estarán moi nubrados, con chuvias febles e intermitentes, máis probables no litoral oeste, aínda que...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...