O Concello de Muros celebra desde este venres 28 de xuño e ata o domingo 29 as súas Festas de San Pedro, cunha variada programación para todas as idades.
Como gran novidade, este ano celébrase mañá venres 28 a Festa do Orgullo, coincidindo co Día Internacional do Orgullo LGBT. Haberá concentración, lectura dun manifesto reivindicativo e, ás 19:00 horas no Curro da Praza, Festa Holi. Muros con Orgullo, antes da actuación das orquestras Miramar e Claxxon.
O sábado 29 haberá procesión e misa cantada, varias actuacións musicais, entre elas a de Paco Nogueirad, e fogos de artificio, mentres que o domingo, como fin de festa, Muros acollerá A Noite da Nasmo, un festival cos grupos dos locais de ensaio municipais.
“Estou convencida de que serán unhas festas moi especiais, ás que quero convidar a toda a veciñanza e os visitantes”, asegura alcaldesa de Muros, María Lago.
Outra das novidades será a sesión vermú do domingo e os fogos de artificio cambian o emprazamento e serán lanzados dende unha plataforma dende o mar, para minimizar os riscos e non causar molestias aos usuarios do porto.
