Música tradicional, tributos e grandes orquestras conforman o programa das Festas do Verán 2024 de Boiro

21 Xuño 2024

Este venres foron dados a coñecer os detalles da que sería a primeira gran festividade do verán da nosa comarca: as Festas do Verán de Boiro, edición 2024, que se celebran entre o 5 e o 10 de xullo. O programa foi debullado polo alcalde, José Ramón Romero, e a concelleira de Cultura, María Outeiral, que fixeron saber que a axenda mestura a música tradicional, os tributos e as actuacións de grandes orquestras nun programa confeccionado polo departamento municipal de cultura para todos os públicos con actuacións en tres escenarios.

O programa de actividades comeza o venres 5 de xullo co pregón, que este ano está dedicado ao sector téxtil e “ás moitas as xeración de mulleres que se dedicaron en Boiro a este tecido produtivo nas catro fábricas que tivemos, as factorías Madó, Maperlán, Permist e Jealfer, e que fixeron de Boiro un lugar destacado gracias a este feito socioeconómico”, recoñeceu o alcalde.

O programa do venres completarase coa actuación da orquestra Gran Parada, o concerto de Lontreira e a IV Remember Fest de Peñas Boiro.

A axenda continúa o sábado con dianas e alboradas e actividades pola mañá como é a tradicional malla do centeo, que este ano será na praza do Centro Social con actuacións de grupos tradicionais e, pola noite, orquestra Origen e Tributo a Dire Straits na praza do Concello e concerto de Dios Ke Te Crew no Centro Social.

O domingo haberá tamén baile galego na praza do Centro Social e sesión vermú coa Treboada Baixo Minho; pola tarde concerto de boleros cos Trobeiros da Ponte na Praza do Centro Social e actuación do grupo A Misela; Tributo a Rocío Jurado na praza do Concello e Orquestra Suavecito e gran tirada de fogos de artificio, que este ano será ás 00.15 horas na praia de Barraña.

O luns a actividade das peñas comeza ás 12.00 horas no parque da Cachada, onde se prolongará ata pola tarde con sesións DJ. Xa pola noite concerto Tradi na Praza do Centro Social e orquestas Assia e Charleston na praza do Concello.

O programa do martes traerá un espectáculo infantil pola mañá na praza do Centro Social e continúa pola noite coas orquestras Paris de Noia e Marbella na praza do Concello e concerto de Anxo Araújo na praza do Centro Social.

As Festas do Verán 2024 chegan ao seu remate o mércores 10 de xullo con alboradas e espectáculo infantil pola mañá e pola noite Orquestra Baravú Xangai na praza do Centro Social e tributo a Tina Turner e DJ Matrek Show na praza de Galicia.

A concelleira de Cultura, María Outeiral, destacou deste programa a “variedade de espectáculos para todos os públicos con actividades infantís, música tradicional, tributos, orquestras e as actividades que programa Peñas Boiro para un público máis mozo e tamén a colaboración das nosas asociacións e grupos tradicionais”.

Pola súa parte, o alcalde José Ramón Romero, agradeceu o importante traballo que fan dende o departamento de Cultura para programar estas grandes Festas do Verán e destacou “o espectáculo piromusical do domingo pola noite que cada ano nos sorprende máis”.

Programa completo

Venres 5 de xullo

20.00h – foguetes dando comezo ás Festa de Boiro

20.30h – pasarrúas coa charanga Mekánica Rolling Band

22.00h – Pregón na praza do Concello en homenaxe ao sector téxtil de Boiro

23.00h – concerto de Lontreira na Praza do Centro Social

23.00h – orquestra Gran Parada na Praza do Concello

23.00h – IV Remember Fest no Parque da Cachada con Marcos Magán, Xacobo (Mínimo Eventos), Mario e Vicente One More Time

Sábado 6 de xullo

10.00h – alborada a cargos dos Pequenos do Barbanza e Caraveiros

12.00h – Malla de centeo e baile galego na praza do Centro Social a cargo dos grupos Abrañeira, Aroña, Xilbarbeira e Lumieira

22.00h – Orquestra Origen na praza do Concello

23.00h – concerto Dios Ke Te Crew na praza do Centro Social

23.30h – Alchemy Project, tributo a Dire Straits na praza do Concello

01.30h – Orquestra Origen, segundo pase

Domingo 7 de xullo

10.00h – alborada a cargo de Ar de Loureda

12.00h – baile galego na praza do Centro Social a cargo dos grupos Abeloura e Grupo de baile de Abanqueiro

12.00h – sesión vermú ca Treboada Baixo Minho

19.00h – concerto de boleros na praza do Centro Social cos Trobeiros da Ponte

20.00h – concerto do grupo A Misela na praza do Centro Social

22.00h – tributo a Rocío Jurado interpretado por Blanca Villa na praza do Concello

00.15h – gran tirada de fogos de artificio con espectáculo de danza e música na Praia de Barraña

01.00h – orquestra Suavecito

Luns 8 de xullo

10.00h – alborada a cargo do grupo Arume

12.00h – cantos de taberna co grupo Os da Boina

12.00h – Dia das peñas no Parque da Cachada

12.30h – festa infantil na parte alta do parque da Cachada (espazo monitorizado. Inchábeis)

13.45h – festa da auga e mangueirazo de honra

14.00h – sesión vermú con Bruno Deejay

15.30h – xantar peñeiro

17.00h – sesións DJ con Manu X, Rubén, Marcos Magán, SonIc

22.00h – concerto Tradi con Nunca é Tarde na praza do Centro Social

22.00h – orquestra Charleston na praza do Concello

23.00h – orquestra Assia na praza do Concello

Martes 9 de xullo

10.00h – alboradas a cargo do grupo Arume

12.00h – espectáculo infantil na praza do Centro Social “A maxia de Ian e Elisa”

12.00h – cantos de taberna ca Dorniña de Abanqueiro

22.00h – orquestra Paris de Noia na praza do Concello

23.00h – concerto de Anxo Araújo na praza do Centro Social

23.30h – orquestra Marbella na praza do Concello

01.00h – París de Noia, segundo pase

02.00h – Marbella, segundo pase

Mércores 10 de xullo

10.00h – alboradas a cargo do grupo Arume

12.00h – espectáculo infantil “Moco Moc” na praza do Centro Social

12.00h – cantos de taberna coas Cantareiras Xoaniñas

22.00h – Show de DJ Matrek Show na praza do Concello

23.00h – concerto da orquestra Bravú Xangai na praza do Centro Social

23.30h – The Replicants Experience, tributo a Tina Turner na praza do Concello

01.30h – DJ Matrek Show

Outros artigos

Domingo, San Cristovo, día pasado por choiva e baixa temperatura

Durante a xornada do domingo, día de San Cristovo, quedaremos na influencia dun centro de baixas presións, con ventos húmidos do suroeste. Con esta situación, os ceos estarán moi nubrados, con chuvias febles e intermitentes, máis probables no litoral oeste, aínda que...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...