O Concello de Outes fixo balance, neste punto de inflexión entre maio e xuño, das recentes actuacións levadas a cabo pola brigada municipal de obras e servizos para acondicionar, limpar, rozar e poñer a punto espazos públicos e de lecer, infraestruturas e equipamentos.
O Concello compartiu a listaxe de actuacións desenvolvidas en maio que incluímos a continuación:
-Acondicionamento de espazos para festas en Lantarou para a Virxe das Dolores, en San Lourenzo de Matasueiro para San Paio, en Tarás para Santa Lucía e en San Cosme de Outeiro para o Corpus.
-Arranxo de pistas de saburra e drenaxe en zonas nas que adoitan saír fochancas.
-Roza de espazos públicos, paseos, áreas verdes e contorna de edificios municipais.
-Actuacións de mantemento en paseos marítimos, muros e ramplas nas praias.
-Limpeza de monumentos.
-Arranxos e renovacións de cableado nalgúns tramos do alumeado público.
-Mantemento en pozos de bombeo do saneamento.
