A Fieiteira (Ribeira) recibe a nova grada cuberta para máis de 200 persoas

18 Xuño 2024

O alcalde de Ribeira, Luís Pérez Barral, e o concelleiro de Deporte, Xabier Vidal, xunto con funcionarios do Concello, acudiron ao Complexo Municipal da Fieiteira para recepcionar a nova grada cuberta para o campo de herba sintética.

Segundo lembraron, o campo de fútbol de herba artificial da Fieiteira dispoñía dunhas gradas desmontábeis cunha cuberta lixeira que “resultaba insuficiente para as necesidades dos clubs deportivos”. Por este motivo proxectouse a execución dunha grada prefabricada de formigón de 30 metros de lonxitude disposta en 4 filas, cuberta con paneis tipo sándwich que irán apoiados sobre unha estrutura metálica formada por perfís de aceiro galvanizados por inmersión. O acceso á nova estrutura realizarase mediante dúas escaleiras situadas nos extremos da grada.

Cun investimento superior aos 217.000 € suporá en palabras de Luís Pérez e Xabier Vidal “unha mellora para a comodidade dos seareiros de cara ás inclemencias meteorolóxicas, unha mellora demandada polas afeccións dos clubs”.

O rexedor recordou que “no campo de herba natural estase a realizar unha obra para dotar de aseos públicos e cantina o recinto, unha actuación que supón un investimento de 83.000€”.

Por último lembrou “o esforzo” que realiza o Concello na construción do módulo cuberto de atletismo e deportes de contacto, no que se investirá arredor de 1 millón de euros de fondos propios. Por último Barral detallou que traballan para aumentar as partidas de mantemento para que as áreas e espazos deportivos melloren.

Outros artigos

Domingo, San Cristovo, día pasado por choiva e baixa temperatura

Durante a xornada do domingo, día de San Cristovo, quedaremos na influencia dun centro de baixas presións, con ventos húmidos do suroeste. Con esta situación, os ceos estarán moi nubrados, con chuvias febles e intermitentes, máis probables no litoral oeste, aínda que...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...