A Asociación Cultural da Unidade Veciñal de Dodro organiza a Andaina da Cruz do Abelán o próximo sábado 1 de xuño. Farao coincidindo coa XXXIII Romaría da Cruz do Avelán.
Trátase dun roteiro de 11 quilómetros de percorrido polos lugares que rodean o famoso cruceiro de capela do Abelán onde se poderán ver espectaculares vistas do val do Ulla nos seus miradoiros, os petróglifos de Bouza Badín, muíños de auga en funcionamento e pontellas sobre o río da Arregañada.
O percorrido será circular con saída e chegada no lugar de celebración da romaría. As persoas inscritas terán un servizo de avituallamento na metade do percorrido e serán agasalladas cun prato e un vaso conmemorativo da romaría e “poderán comer e beber de balde e desfrutar da festa”, informou a organización.
O prezo será de 15€ e a saída será ás 11h.
A ruta é circular de dificultade baixa.
