O condutor dun camión que circulaba por Rois sen carné nin permiso de actividade foi investigado polo Subsector de Tráfico da Garda Civil da Coruña como suposto autor dun delito contra a seguridade viaria. Ademais, deu positivo indiciario en droga. Durante a realización dun control de transportes na estrada AC-301, detívose a un camión con caixa para comprobar a mercadoría que transportaba e a documentación do vehículo e do seu condutor.
Tras efectuar as comprobacións pertinentes constataron que carecía de permiso de conducióno carecer de puntos. Ademais, tampouco dispoñía da pertinente autorización administrativa para a actividade do transporte. Na proba de detección de drogas, deu positivo indiciario por presenza de cocaína, polo que se lle someteu a unha segunda proba para a súa remisión e cotexo no laboratorio de referencia.
