O sábado 11 de maio, a partir das 9:30 horas, desenvolverase unha actividade de voluntariado para a eliminación de acacias no monte do Araño, en Rianxo.
Esta actividade participativa, organizada polo Laboratorio Ecosocial do Barbanza (e coa coordinación da Fundación Montescola e o apoio do Concello de Rianxo), forma parte dun ciclo de xeiras de traballo nos montes da nosa comarca cuxo obxectivo é “implicar a veciñanza na recuperación da biodiversidade e fortalecer as redes colaborativas da comunidade”.
Abertas a todos os públicos e idades, estas actividades supoñen, en palabras das entidades impulsoras, “unha oportunidade para aprender a descascar acacias e participar na plantación de autóctonas”.
As persoas interesadas poderanse inscribir na actividade enviando un correo electrónico a info@montescola.org.
Apoio
O Laboratorio Ecosocial do Barbanza conta co apoio da Fundación Biodiversidad do Ministerio para la Transición Ecológica y el Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea – NextGenerationEU.
Máis información a través do correo electrónico info@barbanzaecosocial.org ou no 722 413 315
