O CEIP Ana María Diéguez de Asados súmase á rede de espazos deportivos de Rianxo que xa contan con desfibrilador (media ducia)

23 Maio 2024

O Concello de Rianxo continúa coa implantación de desfibriladores semiautomáticos nas instalacións deportivas municipais. Este mes de maio o Goberno local procedeu a instalar un novo equipo na pista polideportiva cuberta do CEIP Ana María Diéguez de Asados.

Previamente equipouse con estes dispositivos importantes infraestruturas como a Piscina Municipal, os campos de fútbol e os pavillóns municipais. Coa inclusión do CEIP Ana María Díeguez, xa son media ducia as instalacións deportivas municipais que contan con desfibrilador, ademais dos existentes na Casa do Concello e no Auditorio Municipal.

O alcalde Julián Bustelo e o concelleiro de Deportes, Julio Alcalde, fixeron saber que nas vindeiras semanas o persoal do Servizo de Deportes e da Agrupación de Voluntarios de Protección Civil impartirá cursos de Reanimación Cardiopulmonar e DESA (siglas de Desfibrilador Semiautomático Externo) dirixidos a entidades deportivas do concello, ao persoal municipal e ás traballadoras e traballadores dos centros escolares que contan con desfibrilador. O obxectivo é “iniciar aos participantes no manexo dos DESA e no soporte vital básico, como posíbeis primeiros intervintes ata a chegada dos servizos de emerxencia”, sinalaron.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.