O alumnado da Escola Municipal de Artes e Oficios de Vigo visitou este días o Museo do Gravado de Artes en Ribeira, referente galego e estatal dentro da súa actividade. Segundo se lles lembrou aos participantes na visita, o Museo do Gravado de Artes é de feito o máis importante de Galicia e figura entre os máis destacados de España e Europa de entre todos os espazos culturais que poñen o foco nas múltiples vertentes do gravado, xa que conta cun fondo de máis de 40.000 obras de arte. Ademais, este ano a Fundación do Museo foi galardoada co Premio da Cultura Galega 2023 na categoría de artes visuais.
