A FEGADO e o Club Arnela, en colaboración co Concello de Ribeira, súmanse a unha nova iniciativa do Proxecto Libera, que se celebra en toda España o próximo 1 de xuño, centrado en “coidar e concienciar sobre a sustentabilidade e a conservación dos entornos naturais, loitando contra a chamada basuraleza“. Con estes obxectivos e neste marco de traballo, aproveitaranse os acontecementos deportivos que se celebran esta fin de semana en Ribeira para convocar e levar a cabo unha recollida voluntaria e colectiva de lixo. A actividade de limpeza farase na praia de Río Azor o venres día 31 de maio as 20:00 h. Terá unha duración aproximada de 1h.
A actividade está aberta a todas as persoas que queiran participar.
Para colaborar nesta iniciativa deberemos deixar os nosos datos no formulario en liña habilitado.
O punto de encontro será na mesma praia de Río Azor.
A coordinación de dita actividade estará a cargo do responsable de medio ambiente da FEGADO.
