A Mostra Mares da Fin do Mundo xa ten datas en Ribeira: do 30 de outubro ao 3 de novembro

08 Maio 2024

O pasado 16 de abril, Luís Pérez Barral, alcalde de Ribeira, Fernando Abraldes, concelleiro do Mar, Francisco Suárez-Puerta, segundo tenente de alcalde, Anxo Núñez Fernández, tenente de alcalde do concello de Outes, e Marcos Gallego, presidente da Asociación Cultural Mares da Fin do Mundo e director da Mostra Internacional de Cinema Documental Mares da Fin do Mundo (MDFDM), facían público o traslado da Mostra MDFDM dende o concello de Outes ao Concello de Ribeira. Tralas dúas primeiras edicións celebradas en Carnota, Outes acollía as catro seguintes, consolidando o formato, ampliando a súa duración ata as 5 xornadas e asentándose no circuíto galego coma un evento de identidade propia e diferencial. Este mércores 8 de maio facíanse públicas as primeiras datas desta nova andaina: a VII edición de MDFDM celebrarase no Concello de Ribeira do 30 de outubro ao 3 de novembro do 2024.

Nas vindeiras semanas, a Mostra MDFDM anunciará a apertura de inscricións para participar na súa competición oficial.

Dende a organización da Mostra resáltase o interese mostrado polo Concello de Ribeira para contar cun evento cultural asentado no panorama audiovisual galego, recordando a afirmación que o alcalde Luís Pérez facía hai pouco menos dun mes: “Esta mostra permitirá construír sinerxías moi positivas entre a arte, a cultura e o sector pesqueiro do noso concello”.

A Mostra Internacional de Cinema Documental Mares da Fin do Mundo está organizada pola Asociación Cultural Mares da Fin do Mundo, coa colaboración na dirección e produción de ABA Films e co patrocinio da Deputación da Coruña, do Concello de Ribeira e o apoio da Dirección Xeral de Política Lingüística da Xunta de Galicia. Así mesmo, MDFDM forma parte de Proxecta (Coordinadora Galega de Festivais de Cinema, integrada na federación estatal Pantalla), é asinante do Pacto pola Cultura Sustentábel, membro da Federación Estatal de Coordinadoras de Festivales de Cine y Contenidos Audiovisuales en Pantalla, membro da plataforma Europea EU4Ocean e colaborador da FAO no Ano Internacional da Pesca Artesanal e da Acuicultura 2022.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.