Este venres 12 de abril ás 20:30 horas, terá lugar no Auditorio de Rianxo a presentación de Somos un pobo de artistas: o método Luísa Villalta do músico, comunicador e escritor coruñés Xurxo Souto.
O acto, que comezará ás 20.30 horas do venres, está organizado por Música Galega e o Concello. Intervirán o autor, o músico Orjais, Félix Pimentel e Bernal Muíños.
Somos un pobo de artistas (Xerais) ten como punto de partida o libro O outro lado da música, a poesía de Luísa Villalta, a poeta homenaxeada este ano nas Letras Galegas. Nesta obra, a poeta puxo en valor a mutua atracción que senten entre si ambas as dúas artes. Seguindo o seu método, Souto “penetra na selva vizosa da música galega contemporánea para procurar esa unidade primixenia”, procurándoa “especialmente nas marxes, territorios case invisíbeis para o gran público, onde medra cada día o poder da creatividade”.
