Unha trintena de usuarias e usuarios da Asociación Saúde Mental A Creba, entidade inclusiva con ámbito de actuación no Barbanza, asistiron este martes 9 de abril á exhibición de medios da Gardia Civil, iniciativa que tivo como escenario o municipio coruñés de
Abegondo. A Agrupación de Tráfico, TEDAX, USECIC, o Servicio Cinológico ou incluso un rescate do GREIM (Grupo de Rescate Especial de Intervención en Montaña) co apoio dun helicóptero son só algunhas das distintas unidades da benemérita que espertaron o interese das persoas participantes desta asociación.
Esta actividade enmárcase na política de inclusión e participación na vida comunitaria que se promove desde A Creba, buscando deste xeito unha mellora na súa rehabilitación psicosocial, ademais de facer visíbeis estas enfermidades, normalizando a súa vida social e rachando con eses estigmas existentes coas doenzas mentais.
