Servizos Sociais de Ribeira pon en marcha un programa de difusión en tódalas parroquias do termo municipal

23 Abril 2024

O tenente de alcalde, Vicente Mariño e o alcalde de Ribeira, Luís Pérez, presentaron este martes 23 na Casa do Mar de Palmeira o novo programa de información e difusión dos Servizos Sociais Comunitarios no Concello. Con esta iniciativa preténdese “achegar a información ao cidadán e aos grupos da comunidade coa finalidade de que reciban unha axeitada información e asesoramento sobre os recursos sociais, así como detectar as necesidades sociais reais para xerar novos recursos”, explicou o concelleiro Mariño.

Deste xeito, procederanse a colocar soportes con dípticos informativos en lugares de interese e maior afluencia como o Centro de Información á Muller, a Casa do Concello, o C.C. Lustres Rivas, o Hospital do Barbanza, os Centros de Saúde de Ribeira, Palmeira, Aguiño e Corrubedo, as instalacións da Policía Local e Nacional, a Escola Infantil Municipal, a Aula CeMIT, o Viveiro de Empresas, a Biblioteca Municipal, o Museo Municipal, o Complexo Deportivo A Fieiteira e as Casas da Cultura das parroquias de Olveira, Carreira, Castiñeiras, Centro recreativo de Artes, Oleiros e Aguiño.

“A través desta campaña de difusión preténdese garantir e facilitar que toda a poboación dispoña da información necesaria sobre os recursos sociais do Concello, así como detectar as necesidades, con vistas a poder prestar axuda e colaboración aos grupos máis vulnerábeis, explicou o alcalde Luís Pérez, quen destacou tamén os servizos de apoio e educación familiar, vivenda alternativa, o programa de exclusión social ou o servizo de cooperación e solidariedade social que o Concello presta en colaboración con outras entidades sociais do termo municipal.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.