Rianxo celebrará o Día do Libro agasallando cun exemplar a todas aquelas persoas que merquen un libro nalgunha das librerías do municipio o vindeiro martes día 23 de abril. Como explicou o tenente de alcalde e concelleiro de Cultura, Julio Alcalde, “a iniciativa non só pretende poñer en valor esta conmemoración, senón que tamén ten o obxectivo de premiar ás persoas que neste día tan senlleiro apostan polas nosas librerías e polo comercio local”. Así, cada veciña e veciño recibirá o libro de agasallo no momento de efectuar a compra na librería. “Trátase de obras únicas, relacionadas con Rianxo e a súa historia”, sinalou o concelleiro Julio Alcalde.
