O Centro Cultural Manuel Lustres Rivas de Ribeira vai acoller esta semana unha charla divulgativa sobre un dos grandes artistas galegos de todos os tempos: o escultor cambadés Francisco Asorey. Será este xoves 25 de abril ás 20:00 horas. A xornada virá da man do divulgador, escritor, profesor da USC, blogueiro e responsábel da área de comunicación dixital do Consello da Cultura Galega, Manuel Gago Mariño (Palmeira, 1976). A cita encádrase no programa conmemorativo do Día das Artes Galegas na honra do escultor Francisco Asorey. A entrada será de balde. Organiza o Concello de Ribeira, a través da Concellaría de Cultura.
