Entregados os premios do I Concurso de Carteis Somos Boiro (e inaugurada unha mostra cunha escolma dos mellores traballos)

18 Abril 2024

A patronal boirense (ABE), o Concello de Boiro e os centros locais de ensino entregaron este 18 de abril os premios do I Concurso de Carteis Somos Boiro ao tempo que inauguraron a exposición cunha escolma dos mellores traballos presentados ao dito certame. Na entrega de galardóns participaron o alcalde de Boiro, José Ramón Romero, a concelleira de Educación, María Outeiral, e o presidente da ABE, Daniel García.

Cada artista recibiu un Bono ABE por valor de 30€ para empregar, sen caducidade, en calquera dos máis de 200 negocios asociados a patronal de Boiro e ademais os carteis serán os protagonistas da campaña de promoción do consumo local da ABE na primavera 2024, aparecendo os debuxos, o nome dos/as autores/as e os centros en 45 pancartas colocadas nos farois da rúa peonil e en 2 lonas de 20 metros cadrados colocadas na fachada do Concello.

A temática do concurso tiña que ver co consumo local e a posta en valor da nosa contorna, patrimonio e a lingua e os gañadores foron os seguintes:

-Freya Cernadas, catro anos

CEIP de Pazos – Comoxo

-Valeria Hermo, tres anos

CEIP de Cespón

-Lía Alcalde, 5 anos

CEIP de Escarabote

-Nicoláo Piñeiro, 8 anos

CEIP de Abanqueiro

-David Sieira, 9 anos

CEIP Santa María do Castro

-Nicolás Suárez, 9 anos

CEIP Santa Baia

-Lía Tarrío, 11 anos

CEIP Praia Xardín

-Aldara Pedrosa, 13 anos

IES Praia Barraña

-Leo Miguéns, 15 anos

IES A Cachada

Inauguración da exposición

Ante a gran calidade dos traballos presentados o Concello de Boiro organizou unha exposición cunha selección dos mellores carteis que foi inaugurada este mércores e que poderá verse na da Casa da Cultura Ramón Martínez López (A Cachada) durante todo o mes de abril.

Ademais os 9 traballos gañadores poden verse na páxina web da ABE www.abe.gal e a partir de maio nas rúas da localidade transformados en pancartas da campaña de promoción do consumo local da ABE.

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...