Correos conta con venda directa de libros nas oficinas de Boiro e Ribeira. A compañía postal únese á próxima celebración do Día do Libro lembrando aos cidadáns que acoden ás súas oficinas, que contan con publicacións de temáticas variadas, desde a infantil, ata novelas de ficción, guías de viaxes e outras temáticas.
Con accións como a venda de libros, Correos ampliou os servizos das súas oficinas aproveitando a súa presenza e capilaridade en toda España: desde comunicacións físicas e dixitais ata solucións financeiras, trámites para as Administracións Públicas e a DXT e venda de produtos e servizos que pretenden facilitar o día a día da cidadanía.
Así mesmo, Correos ofrece na súa plataforma de venda en liña www.correosmarket.es un catálogo con máis de 2.600 exemplares, desde formatos peto ata edicións especiais e publicacións filatélicas.
As oficinas de Correos na provincia da Coruña recibiron o ano pasado máis de 2,5 millóns de visitas. Ademais de xestionar paquetería nacional e internacional, burofax, xiros postais e envío de diñeiro, as oficinas contan con embalaxes e sobres da Liña Bosques, facilitan o cambio de divisas, o pago de recibos e tributos e as xestións con empresas de enerxía e seguros.
