Un ano máis o Concello de Noia e a Universidade de Santiago organizan o programa Camiños de Coñecemento e Experiencia, unha iniciativa para os maiores de 50 anos que se desenvolverá, no caso de Noia, entre os meses de marzo e abril na Casa da Cultura. O prazo de inscricións xa está aberto ata o 18 de marzo, no primeiro andar da Casa do Concello.
O programa formativo inclúe as seguintes actividades:
Seminario: Despilfarro alimentario e pegada ambiental nos alimentos. Imparte Gumersindo Feijoo Costa, catedrático de enxeñaría e profesor do Programa IV Ciclo. Será o 19 de marzo en horario de 16.30 a 18.00 horas.
Obradoiro práctico: Despilfarro alimentario e pegada ambiental nos alimentos. Imparte Imparte Gumersindo Feijoo Costa, catedrático de enxeñaría e profesor do Programa IV Ciclo. Será o 20 de marzo en horario de 16.30 a 18.00 horas.
Seminario: O gótico mariñeiro. Imparte Victoriano R. Nodar Rodríguez, profesor o Programa IV Ciclo da USC. Será o 22 de marzo en horario de tarde.
Visita a San Martiño e Santa María A Nova. Da man de Victoriano R. Nodar Rodríguez, profesor o Programa IV Ciclo da USC. Será o 5 de abril en horario de tarde.
Seminario: Plantas medicinais. Imparte Pilar Riveiro López, docente do Programa IV Ciclo da USC. Será o 15 de abril en horario de tarde.
Obradoiro específico de recoñecemento de plantas medicinais máis frecuentes en Galicia. Impartirá Pilar Riveiro López, docente do Programa IV Ciclo da USC. Será o 16 de abril en horario de tarde.
