Teatro do Noroeste leva “As damas de Ferrol” ao Auditorio de Rianxo

15 Marzo 2024

O Auditorio de Rianxo acollerá o vindeiro 5 de abril a estrea no Barbanza de As damas de Ferrol de Teatro do Noroeste, unha función encadrada na programación da Primavera Cultural organizada polo Concello. O espectáculo, para maiores de 16 danos e de 90 minutos de duración, dará comezo ás 21.00 h. Será de balde ata completar capacidade (con retirada de convites dende unha hora antes do comezo da función, máximo 2 por persoa).

As damas de Ferrol é un texto en clave feminista dirixido por Clara Gayo, protagonizado por Mónica Camaño e Casilda Alfaro, con música orixinal de Chefa Alonso, escenografía e vestiario de Carlos Alonso e dramaturxia de Eduardo Alonso. Trátase dunha comedia de humor negro a ritmo de jazz onde dúas irmás maiores repasan a súa vida entre disputas e absurdos, cunha morte como transfondo e coa cidade de Ferrol como protagonista.

A lonxeva compañía Teatro de Noroeste regresa a Ferrol “cunha proposta que revisita un dos textos máis senlleiros do seu repertorio abrindo agora unha renovada liña de traballo”.

As súas protagonistas son Maruxa e Lurdes, dúas irmás xa maiores.

As dúas personaxes que desenvolven a acción no escenario contan, entre discusión e discusión, retrincos das súas vidas, pero o que contan pode pertencer á realidade, acontecer, ou pode ser froito das súas enfermizas mentes. Como espectadores, nós nunca chegaremos a saber se é verdade ou fantasía. Para elas todo é realidade, as súas propias invencións fantásticas son máis reais que a propia realidade circundante.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.