O concello de Porto do son vai acoller este verán un campamento musical para a rapazada de 7 a 16 anos: unha actividade estival creativa e participativa que incluirá no seu programa obradoiros musicais, sendeirismo, actividades na praia, veladas nocturnas e un concerto final.
O campamento Tremulus Music Camp (Multiaventuras na Costa do Son) desenvolverase do 7 ao 13 de xullo. As prazas son limitadas e as inscricións cómpre facelas até o 31 de maio a través da web LRCPiano.com.
Podemos solicitar máis información a través das seguintes contas de correo electrónico e dos seguintes teléfonos: campamentos@academiademusicakairos.es 659853211
lrcmusicpiano@gmail.com 699039270.
Esta actividade está organizada pola Academia de Música Kairos, situada en Vigo, e a ESMUPS (Departamento de Piano), situada en Porto do Son coa colaboración do Concello de Porto do Son.
