500 voluntarias bótanse aos montes para reducir o risco de incendios e os impactos do cambio climático. Entre eles está o monte de Froxán que inicia unha experiencia piloto

03 Marzo 2024

Este mes de marzo comezan os traballos de voluntariado forestal da man do proxecto Comunidades Activas e Paisaxes Resilientes a Incendios Forestais e Cambio Climático (CAPRIF-CC), que mobilizará ata finais de 2025 medio milleiro de voluntarias e voluntarios de todas as idades para amosar cómo é posíbel transformar os territorios, protexéndoos fronte ás ameazas e poñendo en valor os aproveitamentos multifuncionais do monte.

As dúas primeiras intervencións programáronse na Área Conservada pola Comunidade de Froxán, en Lousame, recoñecida polo Programa da ONU para o Ambiente desde 2017. Este domingo 40 participantes de todas as idades comezaron plantando uns 30 castiñeiros, traballos que continuarán o próximo sábado 9. Trátase dunha experiencia piloto de ‘cortalumes verdes’, infraestruturas forestais que integran especies máis resistentes ao lume e forman espazos resilientes con maior biodiversidade e posibilidades de uso multifuncional.

A xornada deste domingo estaba especialmente pensada para as máis cativas e as súas familias, xa que estiveron acompañadas dunha ‘trasna’ e unha ‘bruxa’, que axudaron a concienciar sobre a importancia de coidar dos nosos bosques. A seguiente intervención, aberta a todos os públicos, incluirá un obradoiro práctico de poda forestal. Ata finais de 2025 organizaranse 20 xornadas deste tipo nas montañas de Ancares, O Courel, Laza, Negueira de Muñiz, Cangas de Narcea e Tineo.

Trátase dun proxecto no que participan a Fundación Juana de Vega, a Fundación CEER, CETEMAS, Montescola e a Asociación Galega de Custodia do Territorio, que conta co apoio da Fundación Biodiversidad do Ministerio para la Transición Ecológica y el Reto Demográfico no marco do Plan de Recuperación, Transformación e Resiliencia (PRTR), financiado pola Unión Europea – NextGenerationEU.

Ademais das xornadas de voluntariado forestal, o proxecto CAPRIF-CC creará unha rede de ‘Living Labs’ nos territorios nos que se levarán a cabo numerosas actividades de innovación aberta, formación e co-creación buscando a dinamización económica no ámbito forestal e os usos multifuncionais. Tamén se elaborará un mapa de talento e un atlas de boas prácticas para pór en valor e divulgar as experiencias de conservación comunitaria e xeitos de xestión positivos en termos de fomentar territorios resilientes e biodiversos.

Outros artigos

Luns con sol e baixa das temperaturas máximas

Seguimos baixo a influencia anticiclónica pero con ventos de compoñente norte que afastarán as masas de aire cálido da semana anterior. Deste xeito agardamos néboas en comarcas do interior que se irán disipando deixando ceos moi abertos canto máis o sur de Galicia e...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...