Quen quedase con máis ansias de troula neste Entroido, vai ter unha ración extra de festa esta fin de semana. Por exemplo en Boiro, onde as parroquias celebran cadansúas cerimonias de queima/enterro de personaxes (O Farruco, A Cunca, O Óso, O Felipiño) e onde o Concello quixo facilitar a participación veciñal (e turística) a través dun vehículo específico para visitar as actividades. Disto encargarase o Tren dos Enterros, que percorrerá o domingo os enterros tradicionais que se celebran nas distintas parroquias. Ás 11 visitará Cabo de Cruz levar aos pasaxeiros ao Enterro do Farruco (ás 11.30 desfile), ás 13.30 estará en praia Xardín para despedir A Cunca, ás 16.30 en Abanqueiro para o Enterro do Óso, e ás 18h en Escarabote para soterrar ao Felipiño.
O tren vén da man do Concello.
