O Polideportivo Municipal Pilar Barreiro Senra acolleu este sábado 10 de febreiro o tradicional Festival de Entroido do Concello de Lousam. A festa foi amenizada este ano por Moc Moc, un clown musical que tamén traballa outras disciplinas tales como os malabares, a maxia e a música, a través dunha disco móbil.
O festival de Entroido foi o máis numeroso dos últimos anos e contou con obradoiros, xogos variados e inchábeis para os máis pequenos, así como degustación gratuíta de orellas, filloas e chocolate con churros ós asistentes. Así mesmo, repartironse caramelos entre todos os nenos e nenas que acudiron disfrazados.
Un ano máis, e van xa oito seguidos, non houbo concurso de disfraces, que foi substituído por un divertido desfile de disfraces.
